Taste Well

营业中

休息中

今日拣咗间餐厅食个午餐，其实餐牌入边好多菜式都系有肉类嘅，不过我就系睇中呢款蕃茄酱杂菜意大利粉，午餐包括左一个餐汤或者沙律，我就拣咗杂菜沙律。细细碗沙律配咗少少酸汁同埋橄榄油，蔬菜系好新鲜，好爽脆。主菜系素食，浓浓嘅蕃茄酱，加入好多种唔同嘅蔬菜，例如冬菇片、红萝卜、翠玉瓜、蕃茄、西兰花、粟米芯等等。意粉嘅质感好好，唔会煮得太林，好有口感，不过蔬菜太多，一次过食咁多蔬菜入口，真系有少少水汪汪嘅感觉，但系就觉得健康。餐饮方面，我加钱拣咗热朱古力咖啡，咖啡味好重，唔多觉有朱古力味，而且份量比较细杯。餐厅装修好精致，佐敦比较少呢类型嘅餐厅，座位比较宽敞、有大玻璃窗，好开阳，再加上舖头其中一个角落系一个花店，感觉好清新。不过价钱偏贵，午餐都要百几蚊一位，性价比唔高。