影片
更多
2023-06-21
67 浏览
因為店長經常去拯救世界, 不定時休息, 所以有緣先食到！今日我有緣😜主打台式地道小食, 冇花巧裝修, 但滲出一點點台灣味道！🇹🇼咁難得, 當然去到盡, 叫佢哋嘅月見海路阿仔滷肉飯！有酸芽菜做前菜, 零舍開胃； 生蛋黃喺正中間, 賣相一流！啲蠔仔粒粒都大到嚇死人, 完全冇沙； 嗰三隻蝦新鮮彈牙； 滷肉味道啱啱好, 唔會太鹹； 當蛋黃、滷肉、阿仔同啲飯混合起嚟, 誇張啲都要講句,真係好食到飛起🛫同時叫咗佢哋都幾出名嘅鹽酥雞, 調味剛剛好, 唔會好似街邊嗰啲鹹到死； 雞肉炸完都好嫩滑多汁,脆皮好薄兼且脆卜卜！「唔小心」叫咗杯冇冰芋泥鮮奶, 賣相一流, 絕對適合打卡； 半杯都係芋泥, 真材實料, 甜味適中, 飽死我都飲埋佢😜雖然有緣先至食到, 望落價錢好似貴咗少少, 但真材實料, 而且味道真係非常之好, 就算要排隊我都覺得值得！咁啱坐咗喺老細隔離, 偷聽到有人撩佢做宣傳佢都唔肯, 真係有性格😜
主打台式地道小食, 冇花巧裝修, 但滲出一點點台灣味道！🇹🇼
咁難得, 當然去到盡, 叫佢哋嘅月見海路阿仔滷肉飯！
月見海路阿仔滷肉飯
$70
23 浏览
0 赞好
0 留言
有酸芽菜做前菜, 零舍開胃； 生蛋黃喺正中間, 賣相一流！啲蠔仔粒粒都大到嚇死人, 完全冇沙； 嗰三隻蝦新鮮彈牙； 滷肉味道啱啱好, 唔會太鹹； 當蛋黃、滷肉、阿仔同啲飯混合起嚟, 誇張啲都要講句,真係好食到飛起🛫
月見海路阿仔滷肉飯
35 浏览
0 赞好
0 留言
同時叫咗佢哋都幾出名嘅鹽酥雞, 調味剛剛好, 唔會好似街邊嗰啲鹹到死； 雞肉炸完都好嫩滑多汁,脆皮好薄兼且脆卜卜！
鹽酥雞
$42
23 浏览
0 赞好
0 留言
「唔小心」叫咗杯冇冰芋泥鮮奶, 賣相一流, 絕對適合打卡； 半杯都係芋泥, 真材實料, 甜味適中, 飽死我都飲埋佢😜
冇冰芋泥鮮奶
$20
5 浏览
0 赞好
0 留言
雖然有緣先至食到, 望落價錢好似貴咗少少, 但真材實料, 而且味道真係非常之好, 就算要排隊我都覺得值得！
咁啱坐咗喺老細隔離, 偷聽到有人撩佢做宣傳佢都唔肯, 真係有性格😜
张贴
