Al Forno Cafe and Bar (已結業)

得知Al Forno 做到31/10，我哋就即刻预约订位，希望可以喺佢结业前食到最后一餐。呢间系🧒🏻一间比较钟意嘅Cafe之一。虽然价钱偏贵，但系胜在每一样嘢食都好好味。Angbur🐮呢个系一个安格斯牛汉堡配牛窝夫，平时食安格斯汉堡食得多，配牛窝夫都系一个几特别嘅配搭而且都几夹，安格斯牛汉堡扒煎到好有咬口，有弹性，唔会鞋飒飒。自家制迷你蟹饼🦀蟹饼系我哋最钟意食嘅一道菜之一，虽然得三粒份量比较少，但蟹饼入面嘅蟹肉份量十足，唔系一堆面粉沟少少蟹肉嘅货色。个人比较钟意佢系成粒蟹饼拎去炸，食落去松松脆脆。水牛城鸡翼🍗水牛城鸡翼就好入味同偏辣咗少少，如果唔系咁食得辣嘅朋友就可能就会好似我咁食到流鼻水。🤣墨鱼汁意粉🐙🍝墨鱼汁意粉就失色咗少少，偏咸咗啲，但整体都还可以。Brownie 配椰子雪糕🥥🍦呢个Brownie上菜时候系热辣辣，而且喺上面有一旧椰子雪糕，就咁食Brownie都已经食得出好浓嘅朱古力味，而且个面都焗到好脆，建议先食咗个雪糕再食个Brownie又或者快手啲连埋雪糕一齐食，因为Brownie太热会溶咗个雪糕。😆😆Mojito 🍸呢杯Mojito比较重薄荷味，lime juice味偏小