影片
更多
2016-10-01
3942 浏览
群记猪手，粉岭名物，区内无人不知。要食到呢款梦幻猪手，都要讲啲缘份。大时大节，东主有喜，出门旅行一律唔开的。午饭时间等到喊，针插唔入一位难求。避开人潮晏啲嚟猪手好快卖晒，所以要专程拣个王道吉日，较啱时间先好嚟朝圣。 是日打电话嚟确认有开，午市刚过，入嚟碰运气，行正好运，全院满座之下，唔使等有张三人枱。老店自有人情味，熟客都会体谅老板，自动自觉食完尽快腾空坐位比舖头做生意，唔会吹水霸枱磨烂席。我哋都识做，坐低即嗌嘢。 怀旧味道，弥漫整个空间，而家已几乎绝迹，连酒楼街市都弃用嘅花码字，竟然重现群记嘅价目表，老店守住嘅，除咗味道，仲有中国市井文化。旧舖自然有旧装修，店内陈设可谓简陋，而且灯光昏暗，得几枝光管照明，但有好嘢食，客人又点会介意呢啲细节呢？ 自家制辣椒油(免费，无限添食)肯定系镇店之宝，有传统潮州辣椒油嘅香辣，入口剌激，呛喉而不攻鼻，不少客人都为佢而嚟。所以店家每位客人都奉上一小碟，如果唔够食，老板亦大方任食。但引述成日乱噏嘢嘅成龙大哥一句金句。佢曾经同成家班语重深长咁讲:「食嘢，更贵都唔紧要，最紧要食得晒，食唔晒，就系嘥，会折福嘅。
群记猪手，粉岭名物，区内无人不知。要食到呢款梦幻猪手，都要讲啲缘份。大时大节，东主有喜，出门旅行一律唔开的。午饭时间等到喊，针插唔入一位难求。避开人潮晏啲嚟猪手好快卖晒，所以要专程拣个王道吉日，较啱时间先好嚟朝圣。
是日打电话嚟确认有开，午市刚过，入嚟碰运气，行正好运，全院满座之下，唔使等有张三人枱。老店自有人情味，熟客都会体谅老板，自动自觉食完尽快腾空坐位比舖头做生意，唔会吹水霸枱磨烂席。我哋都识做，坐低即嗌嘢。
怀旧味道，弥漫整个空间，而家已几乎绝迹，连酒楼街市都弃用嘅花码字，竟然重现群记嘅价目表，老店守住嘅，除咗味道，仲有中国市井文化。
旧舖自然有旧装修，店内陈设可谓简陋，而且灯光昏暗，得几枝光管照明，但有好嘢食，客人又点会介意呢啲细节呢？
自家制辣椒油
238 浏览
0 赞好
0 留言
自家制辣椒油
165 浏览
1 赞好
0 留言
肯定系镇店之宝，有传统潮州辣椒油嘅香辣，入口剌激，呛喉而不攻鼻，不少客人都为佢而嚟。所以店家每位客人都奉上一小碟，如果唔够食，老板亦大方任食。但引述成日乱噏嘢嘅成龙大哥一句金句。佢曾经同成家班语重深长咁讲:「食嘢，更贵都唔紧要，最紧要食得晒，食唔晒，就系嘥，会折福嘅。」所以老板出告示，食完再添，切勿浪费。
净猪手
$36
70 浏览
0 赞好
0 留言
猪手(净食-大)$36为咗食猪手我可以去到几尽？一坐低即上三碗大猪手。猪手唔用南乳唔用蚝油唔用卤水，只系上汤汤底，用死功夫炆到腍身入味，上枱前去大骨，满满的肉多骨少，皮爽不浆口，肉腍够猪味，点一点自家制辣椒油，惹味又唔会抢猪手风头，净系食呢一口，已经不枉此行。
净牛丸
$36
49 浏览
0 赞好
0 留言
做得招牌菜之一，绝不是等闲之辈！牛丸牛味浓郁，爽口弹牙，比胜利牛丸更高一班，因为食完唔会黐牙！加上点少少辣椒油，真系食到停唔到口。所以一嚟叫两碗大牛丸，唔使3分钟就搞掂咗。
牛丸米
$24
53 浏览
1 赞好
0 留言
朋友惊唔够饱，要试碗米粉。汤底都系清汤，同出面食到无乜分别，但如果以呢个水准嘅牛丸，一碗已经有6粒，都只系收咁嘅价钱的确超值。
汽水、维他奶$6良心老板，饮品平过便利店。根据都市传说，去群记食牛丸，识得食一定饮忌廉，未知传说真伪，但真系好多客人饮忌廉噃😆
成名几十年，价廉物美，保持水准系不二法门，但蔡澜讲过，要小食店生存，首要系租金/楼价要低廉，希望近年联和墟嘅快速发展，地产霸权唔会扼杀区内食肆生存空间，令老店可以薪火相传。
张贴
