金華燒臘大王 (已結業)

师傅我呢排生左大食渍, 食完碗唔系好饱面之后就转战到呢度再饱餐一顿! 老实讲呢度又系好期待架, 不过事隔十年好多野都唔同左, 净系个门面都装修左, 比以前靓左好多!入到去坐底二话不说叫左碗叉烧饭, 点解唔叫一碟呢? 因为师傅记得呢度一碗份量都已经好多, 所以一碟惊食唔晒浪费呀! 果然冇错份量系相当之大, 叉烧都唔少, 叉烧仲要系师傅至爱种半肥瘦, 叉烧相当之松, 不过略嫌烧得唔系好够香同埋冇咩蜜味啦, 食落口硬系觉得差少少, 不过个汁唔系一般豉油汁, 师傅相信系佢地自家制, 送饭都几好味架!总括黎讲, 呢度d烧味其实系几好味架, 不过师傅觉得相比以前好似差左d, 而佢地坐位又窄, 坐得又唔系咁舒服, 装修完后反而觉得退步左, 唯一冇变就系份量依旧! 相信师傅我唔会刻意再去, 只好同佢讲一句有缘相聚, 亦希望再聚时会有惊喜啦! 笑面系好想比不过比唔落手, 冇计啦!