影片
更多
2021-06-19
65 浏览
放工见收得早，就去咗一田超市行个圈🛍，买完嘢都差唔多时间食晚餐，放是近近哋去咗楼下嘅「Green Tech Cafe」帮衬。呢个舖位以前系食点心，但转咗手之后就无食过，因为呢年几以来都少咗行嚟呢边。餐厅环境几舒服，系西环区内少有嘅商场地舖。装修清新简约，用上彷树叶作装饰点缀☘️，而座位亦都阔落，坐得舒服。呢度嘅餐牌有好多个，当我哋好努力睇紧食乜之际，老板娘前来介绍。👫$268嘅二人餐系最抵食，包一份小食同可以任选两款主食。特别推介𠮶个餐牌每星期替换，系平啲嘅一人餐选择。如果想食得精致啲，佢就推介$168一位嘅套餐，当中嘅菜式比较特别，而且亦会比单点便宜👍。大家倾开偈时讲起定价，就咁谂素食都要百几蚊好似唔平，但其实出面西餐食碟意粉分分钟仲贵。再加上食完之后你就会觉得系物有所值！是日餐汤系西兰花汤🥦，汤品相对其他菜式普通，但饮得出个汤系由西兰花打碎而制成。不过可能因为唔系忌廉汤，口感较稀，味道偏清。蜜汁素叉烧，老板娘话有客觉得呢个素叉烧仲好食过真叉烧，我都有啲认同😆。呢道菜嘅诞生系启发自农历新年整盆菜！素叉烧无论造型定质感都好神似，外皮烧至微脆，而内里嘅面筋就好松软。由于系即制，所以佢唔似斋
放工见收得早，就去咗一田超市行个圈🛍，买完嘢都差唔多时间食晚餐，放是近近哋去咗楼下嘅「Green Tech Cafe」帮衬。呢个舖位以前系食点心，但转咗手之后就无食过，因为呢年几以来都少咗行嚟呢边。
餐厅环境几舒服，系西环区内少有嘅商场地舖。装修清新简约，用上彷树叶作装饰点缀☘️，而座位亦都阔落，坐得舒服。
呢度嘅餐牌有好多个，当我哋好努力睇紧食乜之际，老板娘前来介绍。👫$268嘅二人餐系最抵食，包一份小食同可以任选两款主食。特别推介𠮶个餐牌每星期替换，系平啲嘅一人餐选择。
如果想食得精致啲，佢就推介$168一位嘅套餐，当中嘅菜式比较特别，而且亦会比单点便宜👍。大家倾开偈时讲起定价，就咁谂素食都要百几蚊好似唔平，但其实出面西餐食碟意粉分分钟仲贵。再加上食完之后你就会觉得系物有所值！
是日餐汤系西兰花汤🥦，汤品相对其他菜式普通，但饮得出个汤系由西兰花打碎而制成。不过可能因为唔系忌廉汤，口感较稀，味道偏清。
蜜汁素叉烧
3 浏览
0 赞好
0 留言
沙嗲串烧
2 浏览
0 赞好
0 留言
藜麦什锦椰菜花饭
0 浏览
0 赞好
0 留言
素大虾冬荫意粉
2 浏览
0 赞好
0 留言
热玫瑰杞子圆肉黑糖茶
0 浏览
0 赞好
0 留言
呢日除咗食到美味健康素食之外💚，亦好有缘遇上老板娘喺舖坐阵，大家好开心吹咗阵水。佢哋母子档拍住上一齐经营呢间无五辛蔬食餐厅，开店嘅一大理念系想推广素食，推行绿色环保健康生活👍。佢哋主张采用新鲜食材，即叫即整，甚至希望可以做到Farm-to-table(从农场到餐桌)🌾。即使我唔系茹素，但都好支持素食主义，原因实在太多了，可以为咗支持环保、爱护动物、宗教信仰、健康考虑以及追求美食等等。我好感谢而家市面上多咗好多高质嘅素食餐厅，令到多咗好多人对食素产生兴趣🙏🏻。
总括嚟讲，Green Tech Cafe值得推介，店家用心经营，客人系会感受到㗎☺️。餐厅各方面都令人满意，食物味道好，选择多，价钱亦都合理。佢仲会定期转换菜单，为客人带来新鲜感。如果大家钟意食素，又或者想转转口味，不妨嚟呢度帮衬下，支持啊💪！
张贴
