Mamaday (已搬遷) 新店位置

今年生日，拣了呢间餐厅同老公撑枱脚庆祝。好多年前我食过铜锣湾嘅Mamaday，未食过尖沙咀呢间，今次就一于试吓啦~我地叫了黄金软壳蟹忌廉意粉、海鲜拼盘、dry-aged 28 days 西冷牛扒叫海鲜拼盘仲送每人一杯白酒添！黄金软壳蟹意粉好 creamy、蛋黄味好香牛扒我地叫了5成熟，佢真系做到！另外要特别赞吓个酱汁，甜甜地配牛扒好正；伴碟块蕃薯饼好松脆好好食！！最惊喜系海鲜拼盘！青口、鲍鱼同螺都好鲜甜好正！我同老公都食得好满足！我地本身都唔知呢间餐厅有live band唱歌。老公好sweet一早预订了生日甜品，当侍应送上甜品时，live band仲唱生日歌俾我听，全场食客一齐唱！好有气氛呀！呢度有歌听有美食，聚会或庆祝生日都系好好嘅选择呢。