雲桂香米線專門店 (已結業)

今日同朋友想食米线因为朋友觉得食嚟食去都系𠮶几间好似X仔同埋X哥米线， 咁我未去过云桂香咁我同朋友一齐试下呢一间。 入到去其实坐得都几舒服嘅系尖沙咀呢一间。小食我就叫咗口水鸡 ，口水鸡都辣且好味 ，有川菜馆风味。 鸡非常细心已切开咗， 而且份量十足， 令人客更易入口细嚼鸡味同辣椒嘅味道。 咁我要左小锅米线， 酸辣程度就要左香浓酸辣汤底 、中小辣、 配菜就要腩肉同墨鱼丸，咁其实呢个米线我觉得佢都十分足料，因为佢都落咗好多芽菜、酸菜、芹菜、葱和芫茜。 腩肉亦都畀咗半肥瘦我食，我都几钟意，墨鱼丸亦都弹牙。 米线亦都口感十足，汤都酸酸辣辣系我钟意嘅味道。 总括嚟讲我觉得好过某几间米线餐厅。