Rosie's Cafe by cafe company (已結業)

好耐有出过这间食店，所以趁星期日约中午12点冇人排队，决定入去食。因为系午餐，所以主力入去食饭，两个人叫左两个饭，分别系牛肉塔可饭同牛油果蟹羔蟹肉他他饭。钟意这间店系因为食饭之余，又有不少菜食，而且唔系普通既罗马生菜，仲有火箭菜、牛油果等贵价沙津菜，所以对女士来讲，几吸引。牛肉塔可饭因为有薯片的关系，所以一边食，一边会有脆卜卜的口感，各款食材既份量差不多，但薯片味较抢，所以适合钟意食薯片的人。而牛油果蟹羔蟹肉他他饭既酱好好味，伴埋沙津菜同饭一齐食，好惹味，只系唔系好觉有蟹羔味。好多时会俾佢既外表欺骗，以为好细碟，但菜只系表面，底下仲有饭，所以两个人食都好饱。不过印象中，价钱好似贵左不少，但以食材份量及环境加起来，仍然可以接受既。