華御結

营业中

休息中

早餐食华御结已经成为日常，有人觉得呢度既饭团几贵下，我唔否认；但质素真系有保证，味道好食，饭粒唔会雪到过硬，紫菜一定系脆卜卜，而且有唔同口味，每款口味都好独特。而家早餐仲新出了set, 有饭团配烧卖加饮品。重点系：方便！唔同地方都有分店，真系日日早餐都唔会厌。今日经过呢度，原来又开左新分店，咁岩8月又有新产品，我想写下呢件产品！冲绳风火腿扒玉子 （30hkd）当然，讲白d，其实系mix左香港风既珍宝日式饭团！唔好以为30蚊好贵，真系好大旧，大旧到当一个lunch都得。火腿扒，即系午餐肉，厚身而又充满油香，加上日式玉子，教我如何不爱上它～原来呢个珍宝饭团有唔同口味，等我听日再试下其他先！