Sing Woo Rd Bar & Grill (已結業)

今日唔想行太远，所以喺屋企附近嘅成和道去咗一间个名叫做Sing Woo Rd 嘅餐厅食西餐。个Cob沙律实在太大， 食咗一半就要打包。 如果你想食得清啲，衹叫依个沙律就够你一个晚餐。 个沙律入面好多料， 有烧牛肉，蓝芝士，牛油果， 鸡蛋，仲有好多唔同类型嘅菜等等。 唔怪得之佢哋叫依个系佢哋嘅招牌沙律。 好新鲜好好味。个蒜蓉虾相反就比较有点失色， 虾的蒜蓉味唔够但系个多士就好好味。 其实系咪应该叫做多士配茄酱虾，哈哈。个五成熟牛柳烧得啱啱好，又香口又有肉汁。 我最欣赏就系佢哋嘅蒜蓉蘑菇， 做配菜去配牛扒一流。食完一个丰富嘅晚餐点可以冇甜品， 今日我想食返佢哋𠮶个传统朱古力新地雪糕。Brownie条好烟靭配朱古力雪糕， 个口感又硬又软又热又冻真系好难形容。有时间喺度慢慢食下嘢，饮下嘢，真系一个人生嘅乐事。 一定会再来。