深味餃子 (已搬遷) 新店位置

环境: 位于荃湾广场旁边非常就脚店内装修十分别致，略带外国艺术风格。服务: 店员服务认真，如果多点笑容会更好。食物方向(依上菜次序): 最先上既系酸甜萝卜，作为前菜打头阵绝对适合，睇得出店家有心思。叫左一杯自家制苹果雪梨山楂水，感觉好健康，甜味拿捏得恰到好处，放耐左会有沉淀物系杯底，证明真材实料。18蚊黎讲好抵食，都几大碟，味道略带微辣亦微酸，蒜香十足。大大碗芹菜汤饺都只系35蚊。用料尽不马虎，因为系open kitchen 既关系，见到有店员系到努力包紧饺。即叫即做整次新鲜。69蚊既双拼组合亦好值得点。质素亦绝对对得住个价钱。野菌煎饺外脆内多汁，用左野生松茸，好香菌味。黑松露芝士煎饺入面充满cheese，入面叫肉亦有大量黑松露粒，好好味。黑松露饺必点。樱花虾鸡翼(极力推荐)鸡翼用蜜蜂烧完，面再有炸左既樱花虾，当新鲜即煮即食，真系好岩香港人岩口，又够香，又甜甜地咁，绝对有下次。