影片
更多
2014-01-11
527 浏览
重庆鸡煲近年可讲得晌近年迅速火热，主打鸡煲嘅食肆一间接一间咁开，晌港九新界各区开到遍地开花咁滞，早前就试过尖沙咀嘅「陆陆鸡煲火锅」，食过之后就明白确喺有其「味力」。今次又有机会掹食友车边嚟到人气食厦创兴广场嘅「至尊重庆鸡煲」试菜，多谢食友之余，更多谢店方 。上到创兴广场16/F一打开䢂门，哗！人山人海，仲墟撼过街市 。不过，入内发觉原来大厅非常之大，餐厅占晒全层，目测所见，估计有超过300个位以上，我哋到埗已有过半数位置被安排入坐，过多无耐就已经座无虚席，人声鼎沸。店方安排我哋几个坐晌卡位，更感阔落，摆满一枱嘢都唔觉无晒位 。收费方面，喺以任饮任食经营，但唔估到咁实惠，怪不得吸引咁多后生仔。星期一至四正价时段（5:00-10:59pm），大人收$138，小童收$78，星期五、六、日、公众假及其前夕，都只喺酌量收多$10位，绝无抢钱嘅感觉 。如阁下喺夜鬼一族，猫头鹰时段就更加超抵食（11:00pm-3:00am），大人只收$108，小童仍番收$78，星期五、六、日、公众假及其前夕，同样加收$10位。全部全包价，包埋加一 ，睇得出旨在实行薄利多销，入座计任饮任食2小时，荃湾店及新
上到创兴广场16/F一打开䢂门，哗！人山人海，仲墟撼过街市 。不过，入内发觉原来大厅非常之大，餐厅占晒全层，目测所见，估计有超过300个位以上，我哋到埗已有过半数位置被安排入坐，过多无耐就已经座无虚席，人声鼎沸。店方安排我哋几个坐晌卡位，更感阔落，摆满一枱嘢都唔觉无晒位 。
收费方面，喺以任饮任食经营，但唔估到咁实惠，怪不得吸引咁多后生仔。星期一至四正价时段（5:00-10:59pm），大人收$138，小童收$78，星期五、六、日、公众假及其前夕，都只喺酌量收多$10位，绝无抢钱嘅感觉 。如阁下喺夜鬼一族，猫头鹰时段就更加超抵食（11:00pm-3:00am），大人只收$108，小童仍番收$78，星期五、六、日、公众假及其前夕，同样加收$10位。全部全包价，包埋加一 ，睇得出旨在实行薄利多销，入座计任饮任食2小时，荃湾店及新开嘅铜锣湾店更有小食及甜品供应，令人更感超值 。
出面啲火锅嘅任饮，选择都唔多，有时叫佢嚟5罐就俾4罐，追完又追，晌依度就无依个问题。4个大雪柜就摆晌你面前，成柜狮威啤酒任攞，百事、百事青柠、七喜、美莲达橙味、提子、青苹果任拎，就连Jolly Sandy都有几款味（荔枝、柠檬、奇异金果…） ，以及一啲韩国嘢饮，足见店方诚意。又麻辣，又鸡煲，食火锅点都会燥热一啲，夏枯草、薏米水实属窝心供应 。净喺讲饮，都有赚呀！
见到枱面餐垫纸，写住食鸡3步曲：1. 先食鸡；
2. 放花胶、水鱿鱼、牛栢叶；
3. 加汤打边炉。
原来食完鸡煲，落花胶、水鱿鱼、牛栢叶等佢哋索晒鸡汁精华，咁食就宁舍有味，之后加汤再叹各式火锅配料，辣香兼备，果真有意思 。
至尊重庆蜑家鸡煲 （另加$298） 全包价包基本鸡煲，2-3位半只，4-5位一只，6-7位一只半，8-10位两只，11-15位三只，16-19位四只，20位以上就五只。如果想食豪少少，大可加码预订一个「至尊重庆蜑家鸡煲」，每煲另加$298，煲内额外加入多款海鲜，包括：原只膏蟹、鲜虾、花甲，而且份量十足，据介绍就连鸡种亦取较大种，足两斤六至两斤半嘅走地鸡，务求有肉食得嚟亦保持嫩滑度，所以，基本鸡煲已好够食，加埋海鲜实在可以令人食完已有半饱 。
因为同枱食友唔嗜辣，所以我哋拣嚟少辣，个蜑家鸡煲果然出色，鸡件入口几嫩滑，非常惹味，又富层次，唔喺一味死辣，有轻麻，有浓香，以滋味无穷嚟形容亦不为过 。再跟店方交流，知道原来鸡煲喺将鸡件加入多种香料生煮至熟，故需候时20-25分钟，当中有花椒、辣椒、大蒜、肉桂、洋葱、丁香、豆寇、老姜……等等，以及唔讲得嘅大厨秘制酱汁，故此能做到咁味道纷陈，不愧为「食神争霸战」中嘅获奖菜式。此外，海鲜唔单料足，膏蟹爆晒膏，鲜虾绝对唔喺虾毛，花甲又够晒大只，而且味鲜 ！顺带一提，店内好少酱料选择，比一般火锅店少好多，其实，由于鸡煲够浓味，啲酱料根本都无乜需要派上场！
至尊千芪米酒鸡煲 老板唔止做事有诚意，仲事事刁钻，唔钟意重口味嘅朋友，不妨拣依个「千芪米酒鸡煲」试试，加入咗北芪、当归、酒糟和4种黄酒 ，再加上洋葱、萝卜、腐竹、黑木耳等配料，滚起之后待酒精散发，嗒落汤底淡淡酒香，轻怡药味，清香不腻，滋补养生 。
食完鸡煲，再落嚟就当然点配料食火锅啦。两张火锅配料纸罗列晒超过60款食材，全部任点任食，无论周围、餐垫纸定点配料纸，都时刻提醒大家：「珍惜食物，切勿浪费！」，所以希望大家都可以做到「惜饮惜食，适食适饮！ 」其实两个鸡煲都食得我哋六、七分饱，所以，配料都唔敢一下子点太多，宁愿烦啲，分多几次落单妥当啲。但食吓叫吓，叫吓又食吓，原来我哋都几擦得吓㖞 。
因为可上载相片有限，只好「下篇」再继续分享我哋食咗咩火锅配料 。
张贴
