影片
更多
2014-01-12
548 浏览
由于上载相片有限，上篇提及环境、收费，同埋重点分享咗两款鸡煲：至尊重庆蜑家鸡煲和至尊千芪米酒鸡煲，跟住再讲就喺我哋食咗咩火锅配料。 花胶 跟番个食鸡3步曲，花胶加落个鸡煲煮煮，爽口入味，极之好食，真喺意外惊喜 ，何况花胶胶质丰富，营养又高，养颜滋补佳品，实在喺必点项目 。 牛柏叶、鲜鹅肠 牛柏叶索晒鸡煲酱汁，亦都好食，而且亦都爽口，果然3步曲加入花胶及牛栢叶都喺好策略 。不过水鱿鱼就无叫，改试鲜鹅肠，虽然鹅肠入口都同样爽脆，但就唔及花胶、牛柏叶入味。 美国肥牛晌度主要食鸡煲，所以牛肉唔多，独沽一味：美国肥牛。外表睇落肥膏颇多，质素个人觉得一般。肉类仲有黑豚腩片及滑鸡片，有机会下次要试试先得。 新鲜即包饺子 另一诚意表现，饺子唔用来货，无花无假，由阿姐现场亲自即包，仲要有成3款饺子供应：京蒽羊肉饺、洋蒽牛肉饺及西洋菜猪肉饺，我哋3款都试匀，一致推选西洋菜猪肉饺最好，猪肉口感好，西洋菜清爽 ；京蒽羊肉饺都唔错，羊肉好味浓，够晒膻 ；而洋葱牛肉属自创，不过当日食落唔知点解个饺皮好溶，味道亦未见特出。 午餐肉、炸枝竹午餐肉都点？唔好问点解，情意结。炸枝竹煮腍之
花胶
跟番个食鸡3步曲，花胶加落个鸡煲煮煮，爽口入味，极之好食，真喺意外惊喜 ，何况花胶胶质丰富，营养又高，养颜滋补佳品，实在喺必点项目 。
牛柏叶、鲜鹅肠 牛柏叶索晒鸡煲酱汁，亦都好食，而且亦都爽口，果然3步曲加入花胶及牛栢叶都喺好策略 。不过水鱿鱼就无叫，改试鲜鹅肠，虽然鹅肠入口都同样爽脆，但就唔及花胶、牛柏叶入味。
美国肥牛晌度主要食鸡煲，所以牛肉唔多，独沽一味：美国肥牛。外表睇落肥膏颇多，质素个人觉得一般。肉类仲有黑豚腩片及滑鸡片，有机会下次要试试先得。
新鲜即包饺子 另一诚意表现，饺子唔用来货，无花无假，由阿姐现场亲自即包，仲要有成3款饺子供应：京蒽羊肉饺、洋蒽牛肉饺及西洋菜猪肉饺，我哋3款都试匀，一致推选西洋菜猪肉饺最好，猪肉口感好，西洋菜清爽 ；京蒽羊肉饺都唔错，羊肉好味浓，够晒膻 ；而洋葱牛肉属自创，不过当日食落唔知点解个饺皮好溶，味道亦未见特出。
午餐肉、炸枝竹午餐肉都点？唔好问点解，情意结。炸枝竹煮腍之后，沾满酱汁，都好食架。
淮阳冻豆腐、鲮鱼滑、猪肚片、贡丸 经一晚雪过成蜂巢形嘅冻豆腐，可以讲喺「汤汁海绵」，索满汤汁嘅冻豆腐柔韧惹味，值得推介 ；鲮鱼滑亦有水准，如果加多啲葱就更啱小弟口味；丸类都有几多选择，如蟹籽丸、猪肉丸、白鱼蛋、皇庭贡丸、鳕鱼饱丸、鲍鱼虾丸、花枝丸、松花丸、牛根丸，可惜胃纳有限，真想试匀晒佢哋 。
炸鱼皮 大家都将炸鱼皮放入汤内灼一灼先食，哈哈，小弟都喺钟意当佢喺脆卜卜小食。炸鱼皮𩠌Jolly Sandy，都夹㖞，最紧要唔油腻又无油膉味。
菜蔬菜蔬类、菇菌类夹埋有成十多款，虽然未必晚晚都款款有齐，但就不愁无选择。
香甜粟米、芋头片 本来都食得够晒皮，但店方嘅自信挨介，就一于食饱啲顶埋佢。栗米果然超甜，不愧重本少少嘅超甜粟；芋头片入口十分之粉糯，好重芋头味，而且咬落唔松散，原来芋头片轻炸过，认真有心思呀 。
公仔面、红薯粉、日本乌冬 临尾唔好嘥啲汤准，渌啲粉面又喺食火锅嘅情怀。家下出面好多火锅店都已经俾出前一丁，但晌度估佢唔到公仔面竟然喺韩国货嚟 ，质感不俗，食落有韧劲，唔会「腍糍糍」，值得一试；此外，红薯粉亦都唔好错过，煮透嘅红薯粉滑溜烟韧，挂上汤汁，的确好味 ；除非你唔喜欢前两者，否则乌冬都只喺无选择中嘅选择。
雀巢雪糕近门口有一大柜雀巢雪糕任拣，但就唔喺任食，每人限取一杯，让大家火锅过后叹杯雪糕凉快一下，所以，品牌、数量都唔喺重点，只喺店方小小心思 。是晚所见，味道有芝麻、云呢嗱、红豆、芒果，雀巢红豆雪糕，久遗嘅味道 ！
最后想讲少少服务，虽然咁旺场，但上配料甩漏未算大，有漏嘅阿姐都有求必应好快补上。此外，有时侍应都会主动加汤，唯一喺收拾碗碟慢咗啲，始终人客多兼流量快，都属情有可原。要挑剔，抽风方面确需改善一下，人哋就话唔食羊肉一身膻，我哋就食完鸡煲一身臊，唔止衫裤，小弟连个背囊都一阵嘢强烈食味 。同班「死佬们」老友一年几次饭局，都喺钟意烚吓烚吓，仲要拣任食，因为佢哋大饮大食，散叫真喺控制唔到「成本」。好多时都喺就方便，去咗长沙湾新星，睇嚟依家又多个选择嘞，因为至尊重庆鸡煲定价亲民，鸡煲有其特色，火锅料配套足，饮品又多选择，值得帮衬 。
张贴
