85
18
8
等级4
233
3
有要求的「打边炉」！
2015-10-27 526 浏览
一听到朋友话黎旺角「打边炉」饭聚，心谂「濑野喇今次」，唔通又系百几蚊任食果D cheap野？正想推却之际，佢先至话系果D「几百蚊一碟肥牛」之流。见到旺角呢个location居然够胆开呢D尖沙咀同埋铜锣湾既定位既火锅店，喺好奇心之下决定即管过黎睇下到底内裹有乜野干坤。出左地铁站E2出口，先发觉呢度以前原来就系久违既福苑！真系唔记得细个「不知人间珍味」既那些年喺度留低几多脚印！听D亚姐讲开原来呢度都系福苑既，只系「老细发左达」想重新装修搞搞新意思！芫茜马蹄皮蛋汤 ($98)：非常钟意呢个清清地既汤底。皮蛋有两大只，重有成差唔多十粒八粒马蹄添，十分足料，咸咸地之余却饮唔到味精既感觉，诚意推介俾唔钟意食麻辣汤底既朋友！文昌滑鸡件半只 ($108)：文昌鸡非常滑，坦白讲俾得呢个价钱一定系冰鲜鸡架喇，但冇谂过入口时居然可以滑成咁。值得一赞既系佢应该冇腌过，原汁原味、「鸡有鸡味」既口感反而仲好！特级手切肥牛 ($248)：本来想叫最贵$298既「招牌手切肥牛」，但呢个乱打乱撞下既选择都唔错。牛既纹理非常唔错，入口虽然唔系即溶但都「不远矣」，点埋辣椒豉油成旧摆入口既感觉超正！虾籽海参饺 ($88)：饺
更多
一听到朋友话黎旺角「打边炉」饭聚，心谂「濑野喇今次」，唔通又系百几蚊任食果D cheap野？正想推却之际，佢先至话系果D「几百蚊一碟肥牛」之流。见到旺角呢个location居然够胆开呢D尖沙咀同埋铜锣湾既定位既火锅店，喺好奇心之下决定即管过黎睇下到底内裹有乜野干坤。

出左地铁站E2出口，先发觉呢度以前原来就系久违既福苑！真系唔记得细个「不知人间珍味」既那些年喺度留低几多脚印！听D亚姐讲开原来呢度都系福苑既，只系「老细发左达」想重新装修搞搞新意思！
29 浏览
0 赞好
0 留言
芫茜马蹄皮蛋汤
$98
28 浏览
0 赞好
0 留言
 芫茜马蹄皮蛋汤 ($98)：非常钟意呢个清清地既汤底。皮蛋有两大只，重有成差唔多十粒八粒马蹄添，十分足料，咸咸地之余却饮唔到味精既感觉，诚意推介俾唔钟意食麻辣汤底既朋友！
文昌滑鸡件半只
$108
32 浏览
0 赞好
0 留言
 文昌滑鸡件半只 ($108)：文昌鸡非常滑，坦白讲俾得呢个价钱一定系冰鲜鸡架喇，但冇谂过入口时居然可以滑成咁。值得一赞既系佢应该冇腌过，原汁原味、「鸡有鸡味」既口感反而仲好！
特级手切肥牛
$248
17 浏览
0 赞好
0 留言
 特级手切肥牛 ($248)：本来想叫最贵$298既「招牌手切肥牛」，但呢个乱打乱撞下既选择都唔错。牛既纹理非常唔错，入口虽然唔系即溶但都「不远矣」，点埋辣椒豉油成旧摆入口既感觉超正！
虾籽海参饺
$88
13 浏览
0 赞好
0 留言
 虾籽海参饺 ($88)：饺既size非常大，几乎系平时既两倍，视觉享受一流。由于加左海参，入口时感觉非常爽口，有D似平时既白菜或韮菜饺却冇后者蔬菜既味道，值得一试！
原味滑三弄
$128
14 浏览
0 赞好
0 留言
 原味滑三弄 ($128)：「滑三弄」即系虾滑、墨鱼滑同埋鲮鱼滑，用料方面非常足料，食得出冇乜点沟过粉，必叫！
粒粒鲜打四宝丸
$98
30 浏览
0 赞好
0 留言
 粒粒鲜打四宝丸 ($98)：鲜打四宝有鲜虾丸、墨鱼丸、鲮鱼丸同埋牛肉丸。同「三滑」唔同，丸既弹牙感觉相对较为强烈，不过两都都几相似，所以如果人唔太多的话我觉得只系于「三弄」同「四宝丸」二择其一便可！
黑毛猪柳片
$88
26 浏览
0 赞好
0 留言
 黑毛猪柳片 ($88)：黑毛猪片到非常之薄，超快就熟，非常适合好似我呢D冇乜耐性既人，哈哈！纹理方面都相当唔错，唯一要批评既系D猪略为肥左少少，虽然会影响口感，但都系prefer瘦少少健康D！
带子片
$108
37 浏览
0 赞好
0 留言
 带子片 ($108)：全晚整体质素较差既一碟。带子既厚度过薄，放落个锅到话咁快就熟，非常容易overcooked影响口感，如果可以generous少少切厚D就更好喇！
原装美国桶蚝
$158
28 浏览
0 赞好
0 留言
24 浏览
0 赞好
0 留言
 原装美国桶蚝 ($158)：亚姐会喺你面前亲手拆开个桶倒落只碟到，证明真系真材实料既桶蚝！第一眼既感觉非常震憾，冇谂过咁既价钱会有5大只成只手板咁大既蚝！蚝既肉质非常鲜甜，建议只系渌2分钟到刚刚熟就已经OK！
灌篮达人
$138
17 浏览
0 赞好
0 留言
 灌篮达人 ($138)：所谓「灌篮达人」其实即系「野菌蔬菜篮」，除左鸡脾菇、南瓜、蕃茄等等大路野之外，其他打边炉常见既菜都一应俱全，非常适合钟意打边炉时食唔同既蔬菜既朋友，好处系唔驶每样唔同种类既蔬菜都要叫一大碟，咁就唔会浪费食物啦！
鲜炸响铃卷
$48
42 浏览
0 赞好
0 留言
 鲜炸响铃卷 ($48)：响铃非常松脆，即使放左落汤差唔多二十秒之后拎返上黎都仍然非常之有咬感，正！
忌廉香芒卷及鲜芒果杨枝甘露
$38
34 浏览
0 赞好
0 留言
 忌廉香芒卷 ($32/4件)：香芒卷非常特别，用芒果搓成既卷皮包住一粒好似布甸之类，甜甜地既馅料，十分特别，非常适合「无甜不欢」既朋友！

鲜芒果杨枝甘露 ($38/)；相对失色左少少。唔知系咪落得太多椂柚既缘故，入口时好似好苦咁，如果能够改进呢点，同埋再甜多少少咁就very good喇！

总括黎讲，「一分钱一分货」呢句说话永远冇死错人。既然食物质素有返咁上下，价钱方面当然唔系一般MK任食火锅之流！不过，我相信旺角始终需要一间「对食物有要求」同埋「坐得舒适」既火锅店，去服务果D负担得起既朋友作饭聚联谊之用！
13 浏览
0 赞好
0 留言
109 浏览
0 赞好
0 留言
(以上食记乃用户个人意见 , 并不代表OpenRice之观点。)
  • 推介
    已推介
  • 检举
张贴
评分
味道
环境
服务
卫生
抵食
用餐日期
2015-10-26
用餐途径
堂食
人均消费
$330 (晚餐)
推介美食
芫茜马蹄皮蛋汤
$ 98
文昌滑鸡件半只
$ 108
特级手切肥牛
$ 248
虾籽海参饺
$ 88
原味滑三弄
$ 128
粒粒鲜打四宝丸
$ 98
黑毛猪柳片
$ 88
带子片
$ 108
原装美国桶蚝
$ 158
灌篮达人
$ 138
鲜炸响铃卷
$ 48
忌廉香芒卷及鲜芒果杨枝甘露
$ 38