影片
更多
2024-03-20
634 浏览
喺呢度食晏就食得多喇，今日一行三人嚟食吓晚餐先。我哋6:00嚟到，时间尚早，所以可以拣个靓位坐。餐厅光猛企理，系适合同朋友倾偈嘅地方。金沙炸鱼皮（$68）：新鲜热辣咁上枱。本身谂住咸蛋黄酱比较漏，唔会食得晒，点知唔觉唔觉原来好快就食完。鱼皮薄，脆。咸蛋黄酱惹味。虾多士（$135有3件）：多士炸得好脆，食落short short声。多士夹埋只鲜虾一齐食，口感丰富（软，弹，脆）蜜饯金蚝（$180有3件）：个人觉得金蚝用蜜饯嚟整系最夹。金蚝蚝味浓郁。配上甜甜地嘅蜜饯，令味道层次提升。生煎咸鱼肉饼（$118有6件）拼荷叶包（$28有4个）：呢个必食！咸鱼味重，闻到都流口水。肉饼弹牙多肉汁，表面煎到脆脆地。配埋软熟嘅荷叶包一齐食，平衡返咸鱼嘅咸味。椒盐黄花鱼仔（$188有6条）：呢个好抵食。每条黄花鱼仔都好新鲜嫩滑。鱼仔炸得香脆，所以就算佢有啲骨仔其实都脆到可以咬碎到，唔怕哽到碎骨仔。冰梅骨（$118）：味道酸酸甜甜，几开胃。骨嘅质量好，口感弹牙。炸芝麻流沙汤圆：芝麻馅好流心呀！正！不过大家食嘅时候要小心啲，哈哈.南瓜芋头糖水：糖水煲嘅时间够，材料入口即溶。味道清甜。呢度啲侍应服务态度好好，好有
喺呢度食晏就食得多喇，今日一行三人嚟食吓晚餐先。我哋6:00嚟到，时间尚早，所以可以拣个靓位坐。餐厅光猛企理，系适合同朋友倾偈嘅地方。
金沙炸鱼皮（$68）：新鲜热辣咁上枱。本身谂住咸蛋黄酱比较漏，唔会食得晒，点知唔觉唔觉原来好快就食完。鱼皮薄，脆。咸蛋黄酱惹味。
虾多士（$135有3件）：多士炸得好脆，食落short short声。多士夹埋只鲜虾一齐食，口感丰富（软，弹，脆）
蜜饯金蚝（$180有3件）：个人觉得金蚝用蜜饯嚟整系最夹。金蚝蚝味浓郁。配上甜甜地嘅蜜饯，令味道层次提升。
生煎咸鱼肉饼（$118有6件）拼荷叶包（$28有4个）：呢个必食！咸鱼味重，闻到都流口水。肉饼弹牙多肉汁，表面煎到脆脆地。配埋软熟嘅荷叶包一齐食，平衡返咸鱼嘅咸味。
椒盐黄花鱼仔（$188有6条）：呢个好抵食。每条黄花鱼仔都好新鲜嫩滑。鱼仔炸得香脆，所以就算佢有啲骨仔其实都脆到可以咬碎到，唔怕哽到碎骨仔。
冰梅骨（$118）：味道酸酸甜甜，几开胃。骨嘅质量好，口感弹牙。
炸芝麻流沙汤圆：芝麻馅好流心呀！正！不过大家食嘅时候要小心啲，哈哈.
南瓜芋头糖水：糖水煲嘅时间够，材料入口即溶。味道清甜。
呢度啲侍应服务态度好好，好有人情味。所以间唔中就会嚟帮衬吓。
张贴
