影片
更多
2016-10-08
3797 浏览
是日同两个住港岛同事一齐揾食！呢间湾仔新开嘅餐厅！口碑好似唔错！去到唔使等位，店面唔大，装修别致，好似美式西餐厅，彩色金属椅，剪报枱布！楼底高唔压迫！坐低已有餐牌！落单食物几快到！匈牙利牛筋条拼秋葵配蕃茄红酒汁（$88）首先牛筋条肉已经煲烂晒，一Pat无晒形状嘅肉，红酒汁好重香料，反而似中东菜嘅汁！上面两条秋葵，我分到嘅一条个底已经㶶咗！我本来好喜欢食秋葵，忍不住同店员反映，佢叫厨房重新做咗两条秋葵比我哋，第二次就好味！白饭唔算热，松软正常！意大利白汁杂菌素长通粉配蒜香大蘑菇（$108）蘑菇上面有蒜茸，蘑菇多汁！好味，长通粉弹牙，白汁好普通，忌廉味唔香，加啲菜碎！只是普通！凯撒沙律拼烟鸭胸柚子汁（$58）沙律菜好杂碎，唔算新鲜，柚子汁清新，鸭胸系热嘅，肉弹牙！几肥美！唔错！芝士炒薯条（$58）呢个认真差，薯条好油淋淋，淋身一叉就断，明显啲油温唔啱，啲薯条炸唔脆！芝士酱虽然香但已帮补唔多分！因为薯条太差！芝士条（送嘅）因为反映食物问题，店员送嘅！呢款即做热辣辣，热嘅时候芝士馅可以拉好长好长！外脆加了香草，芝士几香！好味！餐汤 + 蒜茸包（$48）餐汤够热，不过我同同事嘅份量差好多，汤唔算
坐低已有餐牌！落单食物几快到！
51 浏览
0 赞好
0 留言
50 浏览
0 赞好
0 留言
44 浏览
0 赞好
0 留言
48 浏览
0 赞好
0 留言
41 浏览
0 赞好
0 留言
36 浏览
0 赞好
0 留言
芝士条（送嘅）因为反映食物问题，店员送嘅！呢款即做热辣辣，热嘅时候芝士馅可以拉好长好长！外脆加了香草，芝士几香！好味！
40 浏览
0 赞好
0 留言
58 浏览
0 赞好
0 留言
讲真食物几失望，我哋叫嘅唔系好难度嘅食物！好多都有问题，同事忍不住向店员反映，店员有礼去解释，初时一两样都算，后来嘅食物都差，店员已经唔敢太撑，只系话会向厨房反映，又送咗个小食比我哋！
老实说，我哋望到厨房全是南亚裔厨师，所以牛筋条个汁有好浓香料味，其实唔似纯西餐！每样都有啲失望位！如果保持呢种质素！好担心佢挨唔挨得住！
店员态度几好！就算其中一个女店员第一日返工，好多嘢唔知都会去问清楚再答！
感觉呢间餐厅好多嘢未完全预备好！要改善嘅地方几多！
成餐饭最好味系送嘅芝士条！
（只收现金，同比钱时嘅单据系手写嘅，而且仲未有咖啡供应，所以同事问咗店员，可以去附近嘅咖啡店买咖啡到店享用）
张贴
