名 料理 (已結業)

一家五口预祝父亲节，餐厅虽然不是连锁饮食集团的品牌，但个餐牌已经好有诚意，选择多，用料靓，同一价钱响铜锣湾日式餐厅嘅话，一定无呢个质素，性价比甚高。员工态度非常友善亲切，主动添茶，又有耐性。食咗甲罗烧，如果只蟹唔新鲜绝对会变成disaster，呢个好新鲜，卖相靓。仲有一底加拿大海胆，够新鲜。烧鳗鱼饭非常好味，最怕食鳗鱼饭好多时起骨起唔清，呢次只有好少骨，真系好。我最钟意食嘅赤贝刺身供应，之前食过几间餐厅嘅赤贝刺身真系衰到好似做寿司细细旧咁，呢次终于都食到好high quality嘅，大大只，又爽脆。最后估唔到嘅系，盐烧拖罗骹令人喜出望外，肉汁鲜嫩，外皮又烧得好脆，大满足！