Rempah Noodles

营业中

休息中

之前睇到报道话湾仔开左间娘惹餐厅，由新加坡厨师主理，仲有卖班兰味嘅咖央多士好吸引！餐厅平日收8点，好彩我喺港岛返工占尽地利，如果唔系都好难食到。店舖装修行简洁黑白风，唔讲以为系cafe添，厨房系开放式嘅，可以一边等一边望住厨师炮制打发时间。 .咖央多士:多士即叫即制，烘到金黄色上枱，香脆松化，中间夹住冰冻嘅班兰咖央酱，一冻一热滋味无比，班兰同椰子味都好出，无一般咖央咁甜腻，不枉我为佢而嚟。.娘惹浓厚叻沙:首先试下个汤底，椰子鸡汤浓稠，适合我呢啲重口味人士，粗米粉好挂汤，豆卜鸡肉同索晒汤够入味，配料仲有大虾、鱼饼、烚蛋同芫荽碎好丰富，大虾唔算好弹牙但肉质唔霉，大食嘅朋友仲可以免费加面添。