影片
更多
2018-01-07
706 浏览
是咁的~~2018嘅第一篇食评就梗系继续支持一下d有热诚有heart嘅小店啦~~首先祝大家日日有食神先今次同一班同事happy Friday揾地方食lunch，揾到呢间新开嘅小店就一于试一试铺头地点都唔难揾，店内虽然size唔大 但装修都几靓 成间铺见到由两个年青人打理 就试下啦可能因为得两个人打理 lunch选择并唔太多 有几款set可以选择 谂左好耐决定要呢个串烧set 佢个menu都睇到呢个set会有好多野食 所以啱晒我咁大胃口啦 原本谂住menu话咁多野食 可能每款得少少 点知一上枱已经俾佢吓一吓 哗真系好抵上面咁大份串烧便当只系需要78蚊 仲包埋面豉汤价钱咁抵可能你会觉得将货就价 老实讲第一下我都会咁谂 但我愈食愈发现自己系错晒 呢个set有串烧鸡翼 串烧秋葵 串烧翠肉瓜 串烧鸡软骨 串烧鱼片 炸池鱼仔 仲有d沙律拌菜 真系好夸张 味道方面一d都唔欺场串烧火喉控制得好好 鸡翼仲特登拆左一边骨 方便佢自己烧亦方便我地食 而且烧到皮脆又唔会㶶 加少少五味粉落去烧令个味道更上一层楼烧翠肉瓜都好好食 保持到外面干食但咬落多汁 时间拿掐得好好 鸡软骨热辣辣食肯定唔会差（p.s.鸡软骨系
今次同一班同事happy Friday揾地方食lunch，揾到呢间新开嘅小店就一于试一试铺头地点都唔难揾，店内虽然size唔大 但装修都几靓 成间铺见到由两个年青人打理 就试下啦
可能因为得两个人打理 lunch选择并唔太多 有几款set可以选择 谂左好耐决定要呢个串烧set 佢个menu都睇到呢个set会有好多野食 所以啱晒我咁大胃口啦
原本谂住menu话咁多野食 可能每款得少少 点知一上枱已经俾佢吓一吓 哗真系好抵上面咁大份串烧便当只系需要78蚊 仲包埋面豉汤价钱咁抵可能你会觉得将货就价 老实讲第一下我都会咁谂 但我愈食愈发现自己系错晒 呢个set有串烧鸡翼 串烧秋葵 串烧翠肉瓜 串烧鸡软骨 串烧鱼片 炸池鱼仔 仲有d沙律拌菜 真系好夸张
味道方面一d都唔欺场串烧火喉控制得好好 鸡翼仲特登拆左一边骨 方便佢自己烧亦方便我地食 而且烧到皮脆又唔会㶶 加少少五味粉落去烧令个味道更上一层楼烧翠肉瓜都好好食 保持到外面干食但咬落多汁 时间拿掐得好好 鸡软骨热辣辣食肯定唔会差（p.s.鸡软骨系真系骨黎嫁 我系唔会投诉佢冇肉）值得一提嘅系个烧鱼片 有两串 佢烧完之后加左烧汁 成件事好match好好食仲有仲有…………左上角嘅炸池鱼真系热诚之作 78嘅lunch set有咁多条池鱼仔 虽然话炸野热食一定冇死 但其实原条鱼落去炸唔系想像中咁易 真为咁细d鱼冇得㓥 你个时间一有咩差池就会炸㶶 但呢到都系炸得好好 好似d大牌档老师父整嘅椒盐九肚鱼一东咁好食 正呀
两位年青人好有heart 食食下仲会埋黎问d饭嘅份量会唔会太少 人地新开张吸收下意见都系好应该嘅讲真 咁抵食 希望佢keep住呢个水准 继续落去 我相信以呢间铺嘅水平 绝对可以发光发亮！！
揾日要带女朋友仔黎试下先 等佢知道有几抵食
张贴
