泰基隆

营业中

休息中

今日行街原本主要系旺角，但因为查到深水埗玩具街有我要嘅玩具数量净好少，咁同女朋友立即落去，行完买到心头好当然就肚饿，就搜寻下附近有咩好食，之后揾到好近有E间泰菜就试下，去到门口串烧已经好吸引，但今次冇试到，综合食物价钱又唔系贵，同其他泰菜价钱差唔多，上食物速度都快，可能少人，食物质素好好，首先讲泰式凤爪，酸辣配合适中，唔会偏向一面，柚子大虾沙律，唔会好似有D舖头多菜放底，然后几粒柚子就算，佢个柚子大虾沙律必食，虾起码4至5只，然后柚子同炸蒜捞混，只有一片生菜放底，冬荫功海鲜汤，酸辣度一流，我女朋友唔食得大辣都饮到2碗，唔会太多椰汁味，不过肉碎生菜包就唔辣，可能前面食物影响左，佢肉碎食到有猪肉味道，最后个炒饭，干爽味道好好，隔左好内先食都好热，一班朋友食饭可以考虑下，不过失色少少系冇啤酒，但老板话可以买入去饮，不过我都叫左两个椰青，35蚊个，好大个又清甜。