Wooden House (已結業)

朋友话话食过呢间西餐厅觉得唔错，今日就黎试吓。呢间铺头隐藏喺小街之中，但系都几大间，铺面装修几好。侍应好热情亲切，成个感觉几舒服~主菜我哋叫咗个挪威三文鱼、薯仔、刁草、酸忌廉。呢道菜甚为惊喜，佢用一个袋包住，本身看似平平无奇，但一拆袋，就已经传来震震好香嘅焗三文鱼香味，我估餐厅厨师系用袋将三文鱼包住然后攞去焗，令三文鱼精华唔好流失，锁住肉汁🤔一食落去都真系冇令我失望，三文鱼肉焗得啱啱好，而且每一啖都好多汁，非常juicy~🤤配埋酸忌廉同刁草食可以更加带出三文鱼嘅香味，而且同薯仔食又几夹。👍另外仲叫咗意大利饭、红虾、带子、鱿鱼、龙虾汁，唔好睇佢细细碟，原来份量都几多下，每一粒意大利饭都充满着龙虾汁，而且面有几粒带子几大粒，每粒带子都煎得好香，鱿鱼仔都唔会韧，大虾颜色煎得好靓，同龙虾汁意大利饭卖相好夹~个人最喜爱入面有几粒车厘茄，令成碟饭带点清新，而且酸酸地又令人食欲大增😬最后甜品就叫左朱古力窝夫配椰子味Gelato同埋朱古力窝夫配杂莓味Gelato，见餐牌上面写着gelato喺铺头亲自每日新鲜制造，佢个Gelato又真系冇令我失望，椰子味gelato每一啖食到有椰丝，甜度适中，配埋意大利