喜天丼

营业中

休息中

今日去完尖沙咀买野，谂住食埋饭先番去，经过K11附近，见到有间专注做天丼的小店。之前都试过食天丼，不过见到用西澳龙虾制的「伊势海老天丼」就真系第一次，决定要黎试下。<伊势海老天丼>一上枱俾个龙虾头震憾到，个Size都几大，另外仲有三大旧龙虾，绝对有诚意，肉质够弹牙，啖啖肉，而龙虾头仲有些少肉同虾膏。另外配菜都整得好，尤其系南瓜够鲜甜，冬菇菇味够浓，另外仲有秋葵、莲藕同埋茄子，而流心蛋天妇罗系有画龙点晴的效果，配上日式酱汁捞饭一流。<海鲜天丼>海鲜天丼就有超长的穴子做卖点，另外仲有海虎虾、松叶蟹钳、帆立贝、沙锥鱼等海鲜食材，炸粉够薄，只用些少盐来调味，可以食得番食材本身的味道。另外都有其他配菜如流心蛋、冬菇、莲藕同埋茄子，超抵食!整体而言，呢度的天妇罗即叫即制，食材新鲜，而龙虾天妇罗真系够Gimmick得黎又啖啖肉。至于海鲜天丼材料丰富，绝对物超所值!饮品方面，叫左比较出面比较少有的招财猫波子汽水同埋信洲苹果梳打，都几refreshing。