曜謨串燒居酒屋

营业中

休息中

平时都好少会去西环，今次去探下朋友随便食埋晚餐，我就去左朋友介绍嘅《曜谟》。净系睇个名就估唔到食乜，原来佢地系食日式串烧嘅居酒屋。价钱相当亲民，一于食餐饱。前菜$18青瓜雪梨萝卜，加上自家制嘅面豉酱，开胃小食鸡翼串 $36外层烧到好香脆，咬开里面鸡肉又鲜嫩多汁，好值得一试。月见猪肉棒 $38用猪肉碎整成嘅猪肉棒，外层烧到微焦，内层肉质好有嚼劲。食之前搅拌好日式生鸡蛋再沾下蛋酱一齐食，口感会顺滑好多。鸡颈肉串 $32呢个部位嘅肉真系都好特别，我都系第一次食，肥瘦适中咬落有嚼劲八爪鱼烧饼 $28用蛋浆混合八爪鱼粒煎成烧饼，上面再加入木鱼片。木鱼片受热气推动变得好似识郁咁，好得意。食落蛋香味好重，内里又好松软，八爪鱼又好弹牙。烧广岛蚝串 $38师傅预先用竹签串起广岛蚝，咁食戈时就方便好多。食之前加几滴柠檬汁，蚝身好饱满蚝味又重。牛舌心串 $58虽然系厚切，但系食落其实好软腍，牛肉味重又多汁。汁烧日本豆腐串 $28估唔到豆腐都可以烧到咁香脆，外层吸引哂秘制酱汁，食落咸香味一流。芝士烧牛油果$28烧牛油果又真系第一次试，平时居酒屋都好少会见到。上面放左芝士再烧干，芝味浓郁，然后牛油果肉又好幼滑。