榕記車仔麵 (已結業)

是日同老豆一行二人去食车仔面，去到都几乎坐满人，不过好好彩岩岩好有位唔洗等。去到见到啲餐单，啲汤底几特别。睇完餐单，叫左麻辣汤三𩠌面 (小辣)同海南胡椒猪肚汤三𩠌面，仲叫左鸡丝粉皮 (麻辣酱)share。先讲鸡丝粉皮 (麻辣酱)，麻辣酱好惹味，够哂麻，粉皮都够滑够爽，唯独鸡丝有啲扣左分，因为太干太鞋口啦！然后到果海南胡椒猪肚汤三𩠌面，虽然唔系我点，但当然要试下果汤啦，真系好足料，饮落系猪肚汤既味，唔似坊间啲车仔面甘得果普通味精汤，呢个汤底真系饮得出诚意。老豆都话啲猪手猪肠炆得好淋好入味，大赞好食。我自己就叫左麻辣汤三𩠌面 (小辣)，三个𩠌分别系柱候牛腩，手打牛丸同鱼肉春卷。先讲果汤先，我本身食得辣既，但都觉得呢个小麻辣好够麻，因为出面食亲都只辣不麻，但呢个够哂麻辣，岩哂我。牛腩好入味，唔错，至于牛丸同鱼肉春卷就有啲普通啦。整体黎讲，野食质素高，汤底真系好有诚意，服务都唔错，店员反应快，下次都一定会去帮衬。