福記粉麵

营业中

休息中

呢档车仔面既𩠌种类非常多，而且有好多特色野，价钱又抵，2𩠌面28蚊，加一个𩠌都系7蚊。我就叫左一个3𩠌面，面就拣左上海粗面，𩠌就有鸡扒，咖哩猪皮鱼蛋同埋劲大条既金菇肥牛卷。个面本身有菜送，仲有汽水送但我就冇要到，因为想试下格离饮品店珍珠奶茶讲返d𩠌，鸡扒大大块都系7蚊仲要劲juicy，老板娘话系焗既，所以食落去唔会油腻，个味道又腌得好好，个人十分推介。跟住就到咖哩猪皮鱼蛋，一个𩠌有齐猪皮同鱼蛋猪皮好入味，鱼蛋都好食，咖哩味好香好浓，仲有d辣辣地好鬼惹味，送面食一流。最后就系金菇肥牛卷，我未见过咁大既肥牛卷，入面劲多金菇，食落有浸好香既牛油味，好好食，食牛既朋友绝对要试。我仲落左沙爹酱同蒜蓉辣椒油。个沙爹好有泰国既味道，捞面食好正。蒜蓉辣椒油都几辣，但系又好过瘾食得辣既朋友建议可以加d吊下味。总括而言，呢间又好食又抵食，唔怪得之咁多人食，我晚餐时候黎食，不停有人黎食同买外卖，好在我揾到个位。唔驶讲，一定会再返黎食同试埋其他𩠌。