鳴虎 (北帝街) (已結業)

今日约左人系土瓜湾交收，所以就系土瓜湾附近揾食，系日本返黎之后都冇食过拉面，今晚好想食拉面，系最多野食既北帝街见到呢间拉面店，座位唔多，只有十多个，拉面款式都唔算多，不过系一间好有诚意既小店。鸣海老 – 虾味噌猪骨汤拉面成个汤都系虾味，应该用左好多虾淆制出黎，汤底超浓郁，叉烧好腍，肥位有少少㶶边，好香，流心蛋熟度啱啱好，面条系选用比较幼身既面，都非常爽口弹牙。绿虎 – 四国香葱油拉面而呢个四国香葱油拉面既味道比较清新，只系用左葱黎调味，虽然只有葱调味，但系都够哂香口。