皇后冰室 (已結業)

呢间餐厅系我朋友推介的，之前佢带我黎时话好抵食同好味。今日下午茶时间经过，忍唔住入去试试。<下午茶Menu>都好多款式，价钱都好经济。今日拣左菠菜茸烧鸡柳野菌天使面另加四蚊配餐汤拣左罗宋汤 都好浓味，好多杂菜系汤里面。的确唔错。主菜上场，份量唔少。正常份量，冇因为下午茶时间而缩水。菠菜味唔系好食到，不过个汁好creamy，配天使面食好夹。天使面煮得岩岩好，唔会煮得太林。另外，烤鸡都有好多件，好惹味。整体黎讲 CP值好高，味道唔错，我会再黎！