Space² (已結業)

朋友约食早餐，仲行去湾仔同金钟之间唔三唔四距离两个地铁站中间，大热天时行到身水身汗，好奇个朋友做乜要约咁吊脚之处！？一入去店舖唔大，四五张枱，但布置得己有巴黎咖啡店茶座感觉，用浅蓝色做底色主调。朋友已经叫咗个类似鸡扒炒蛋、另一个系烟三文鱼牛角包、我迟到，见到餐牌竟然有汉堡包，就是最简单的，胭脂有冇料到。朋友话佢嘅鸡扒好食但系我食落去都系大路货，冇乜特别，但叫做有用心煎香左有啲金黄色，唔太干身，火喉处理得好。合格！个烟三文鱼牛角包，就明显系来货加工，都唔使－唔会系自己做包。同我个汉堡包出场，包身系有立体感，松软嘅，重点系一切开个厚身汉堡牛扒，有少许肉汁流出，一入口，好热，令到口感好充实，亦都因为厨房控制个火好明显系有功力，火喉够！所以能够逼出汉堡牛扒里面嘅脂肪香味。因为已经十点几，客人唔多，得两枱，我厨房类似大厨的后生仔，出咗嚟楼面，倾左几句原来就系负责厨房既，我估系老板之一，因为都见到真有心，佢想同客倾，及了解客人嘅评语，得知啲汉堡牛扒系自己用安格斯牛肉搅的，难怪咁有质素。但好奇怪，早餐我杯咖啡系要另外加钱计的。