閨蜜x沐牧農場 (已結業)

今日到左TEA TIME,好想同朋友饮杯野,又想食少少野。对食物好有要求既我想食好野,但饮品店又冇乜小食岩我。今日发现左呢间开张左冇几耐既小店,见佢个LOGO好有香港特色,系NEON LIGHT整成既LOGO呀!睇黎佢想打造个香港饮品品牌咁。我叫左杯ROSE奶盖ROSE 铁观音,店主好好地问我饮唔饮到ROSE味,我先发觉原来唔单止奶盖有ROSE味,茶都有。D奶盖好绵密,平时我叫芝士奶盖会急住饮完D奶盖因为佢好快沉到底,同D茶MIX埋一起变到好难饮。但呢只奶盖竟然冇,我饮到底仲有D好绵密既奶盖呀!系奶盖爱好者既福音。原来系佢调配出黎既!我朋友就叫左杯新鲜水果红茶,有PASSION FRUIT有士多啤梨有蓝莓,系我同我朋友都好爱既生果呀!于是我就同我既闺蜜SHARE左黎饮,我地叫左杯大既,SHARE完岩岩好!我地仲叫左个朱古力及椰香奶法式吐司,两只都系台湾制,个酱好SMOOTH.加上佢一烘完就上,D酱溶溶地,好好食!呢度有D HIGH TABLE比客人企系度食,成个感觉好好呀!唔使赶住走咁。呢个老板娘同我仲好投缘添,今日讲左好多自己创业既理念比我听,好有心呀!希望第时仲会遇到呢类型既店主。