珍一料理 (富榮大廈) (已結業)

今日经过荃湾，见到路德围𠮶头新开左一间川味小食外卖店，就决定买番返屋企加𩠌。🥢川麻三拼 - $55我叫咗金钱肚、猪耳同猪肘。本身以为好辣，因为我都唔系好食得辣，但系个麻辣味辣得来又唔会太刺激你个味蕾而失去左本身食材嘅味道。而每个𩠌都切到一丝丝细条，都几有心思。🍴五香三拼 - $50有牛筋冻、五香牛肉同鸡肾。牛筋爽口。五香牛肉同鸡肾都好入味，同一啲都唔肥腻。🐓椒麻鸡（半只) - $68个份量都几多。唔好以为个颜色冇咩味，其实食完之后有好劲嘅椒麻味，而且鸡肉肉质新鲜同嫩滑。🐖东坡肉饭 - $35东坡肉卤得好入味同淋，用埋啲汁嚟啰饭就一流。