二悅

营业中

休息中

假日做完yoga，老公要带我食好西，去支持下新开小店。小店店舖门口有餐牌介绍小店制作食物既理念同坚持。人手制作、手工调配、著重健康既概念。店内座位不多，只有三张二人枱和一张四人枱。假日等候时间都较长，我哋等左约40 分钟。我哋二人叫了一碗二悦浓牛肉汤面、麻辣牛肉干伴面、手工肉躁茄子🍆同埋一杯洛神花蜜。牛肉汤面🍜汤底用壶上，另有细碗比客人先品尝一下汤底，牛肉汤清甜不油腻且带淡淡牛骨味，唔错面质烟靱有口感，牛腱好赞，焖得劲焾又入味麻辣牛肉汤、干伴面：麻辣汤底带一点麻香但唔够呛亦唔够辣，比较清。牛肉系一般肥牛。干伴面反而做得较出色，酱料伴得好均匀，亦唔会有多余酱汁系底，配上香葱，清新可口。另，鲁水溏心蛋系冻食，入味，流心蛋黄，好味。至于手工肉躁茄子🍆，系炸茄子件上面淋上手工制造嘅肉躁，肉躁嘅肉碎比平时食开较大粒，口感更丰富，酱汁香浓独特，好味，若果肉躁份量可以多一点更好😜。最后，洛神花蜜，味道比较淡，洛神花味唔突出，我个人觉得一般。总括来讲，食物质素有佢嘅独特风味，员工态度有礼貌，价钱定位都合理，希望小店能继续努力，维持到佢嘅食物质素同服务。