大甲芋圓

营业中

休息中

今次真系山长水远入左天水围食芋圆，事关早排见有个杂志post话推介呢间「大甲芋圆」排头4位？所以趁放假去check it out~星期六下午2点几去到，唔太多人，唔洗等位。店舖不大，座位比较少，坐得舒服，最埋边靠墙有个bar枱位。望望张menu芋圆配搭选择算多，可以配豆花、紫米、仙草。招牌大甲芋圆男朋友9秒9就拣左招牌款，配料好丰富！有3色芋圆、包左馅嘅大粒芋圆、仙草、芋泥、芋头味雪糕，咁多料都只系$28好抵食！芋圆烟烟韧韧，仙草清甜滑溜，我们觉得最惊喜系芋泥同雪糕，好重芋头味，而又唔会太甜。红豆仙草芋圆芋圆、仙草同招牌一样，粒粒红豆蓉，唔太甜，配芋圆一齐食都好夹！个雪糕食落好似椰子味？味道就偏淡，冇招牌果个芋头雪糕咁好味。