影片
更多
2021-08-25
70 浏览
近排见到大埔有新寿司舖开张，作为日本嘅忠实fans，梗系要去试吓🥳时令寿司拼盘一盘有四款，分别系金目鲷、池鱼王、真鲷同埋花鱼，每款两嚿，总共八嚿，听师博讲每日嘅款式都有一啲唔同，取决于边款海鲜新鲜啲。一介草民嘅我，其实唔太识分边款鱼打边款鱼，食之前都唔知每款嘅肉质有咩分别，但系师博好好，同我哋逐一介绍每一款嘅名同佢哋嘅特色。食落去花鱼系最烟韧嘅，亦都系我最钟意嘅一款，至于其他都比较爽口，有新鲜嘅味道。值得一提嘅系真鲷同埋花鱼寿司上面都有一条细长嘅酸汁啫喱，同寿司一口咬落去有一浸清凉嘅柚子味，味道唔会太odd之余仲突显到鱼生嘅鲜味，可以话系神来之笔。蟹子软壳蟹卷，外冷内热，入面软壳蟹嘅温度够暖，食落去好温暖～我畀80分！汁烧鱿鱼筒，鱿鱼不嬲系我最钟意嘅食物之一，一场嚟到见到menu有梗系要试试佢，果然冇令我失望，烧汁同鱿鱼嘅配合系会令人想不停食落去。有芝麻酱嘅冷稻庭乌冬，望落去份量唔多，但系我同个fd share 都食得好饱！味道仲要唔差，$48呢个价钱真系算几抵。厚烧玉子帆立贝刺身准山渍食完之后个fd仲话下次阿妈生日要带佢嚟试下，睇嚟会成为大埔除咗寿司郎之外食寿司嘅代表 🤣系有良知嘅小
时令寿司拼盘一盘有四款，分别系金目鲷、池鱼王、真鲷同埋花鱼，每款两嚿，总共八嚿，听师博讲每日嘅款式都有一啲唔同，取决于边款海鲜新鲜啲。
一介草民嘅我，其实唔太识分边款鱼打边款鱼，食之前都唔知每款嘅肉质有咩分别，但系师博好好，同我哋逐一介绍每一款嘅名同佢哋嘅特色。
食落去花鱼系最烟韧嘅，亦都系我最钟意嘅一款，至于其他都比较爽口，有新鲜嘅味道。值得一提嘅系真鲷同埋花鱼寿司上面都有一条细长嘅酸汁啫喱，同寿司一口咬落去有一浸清凉嘅柚子味，味道唔会太odd之余仲突显到鱼生嘅鲜味，可以话系神来之笔。
蟹子软壳蟹卷，外冷内热，入面软壳蟹嘅温度够暖，食落去好温暖～我畀80分！
汁烧鱿鱼筒，鱿鱼不嬲系我最钟意嘅食物之一，一场嚟到见到menu有梗系要试试佢，果然冇令我失望，烧汁同鱿鱼嘅配合系会令人想不停食落去。
有芝麻酱嘅冷稻庭乌冬，望落去份量唔多，但系我同个fd share 都食得好饱！味道仲要唔差，$48呢个价钱真系算几抵。
厚烧玉子
帆立贝刺身
准山渍
食完之后个fd仲话下次阿妈生日要带佢嚟试下，睇嚟会成为大埔除咗寿司郎之外食寿司嘅代表 🤣系有良知嘅小店 💛
张贴
