影片
更多
2024-01-22
75 浏览
媽媽食慣傳統中餐，今日趁同佢去銅鑼灣shopping, 帶佢試法日fusion 菜，唔知佢鐘唔鐘意呢？我地叫左兩個set lunch, 先來個頭盤：日式燒鳥免治雞肉捧和煙三文魚沙律。媽媽食第一口雞肉捧已經話好味，心諗咁犀利？於是我都試下，原來係雞軟骨切碎混和雞肉，又真係好有口感。我本身鐘情雞軟骨，這個雞肉捧值得一試。至於我叫既煙三文魚沙律，食材新鮮，特別喜愛切細件的羽衣甘藍，配日式胡麻沙律醋汁，清爽好食。值得一提係個set 包餐飽，從餐飽已感受到餐廳對食物的認真：牛角飽同埋圓形飽都好好食，飽身溫度適中，口感鬆軟，而且食完可以再添真係好讚，我地食完一碟媽媽都忍唔住再叫，我提佢要留肚食主菜😆主菜終於出場：1. 香蒜欖油大蝦意粉：媽媽好鐘意個香蒜汁，佢話好好味。大蝦切開兩邊容易食，蝦肉唔黏殼容易處理，而且蝦肉煎得好香口，意粉彈牙有口感。2. 香煎比目魚有茄子粒同蘆筍仔墊底。魚皮煎得好脆，但肉質無overcook, 配上芥末忌廉好有特色，媽媽都話廚師煮得恰到好處。另外，我哋加左兩個小食：帶子刺身同埋鵝肝，媽媽第一次試鵝肝，佢好滿意，佢話好軟焾，襯埋脆脆多士，絕配。我叫既帶子刺身薄片都好新鮮，襯
媽媽食慣傳統中餐，今日趁同佢去銅鑼灣shopping, 帶佢試法日fusion 菜，唔知佢鐘唔鐘意呢？
我地叫左兩個set lunch, 先來個頭盤：日式燒鳥免治雞肉捧和煙三文魚沙律。媽媽食第一口雞肉捧已經話好味，心諗咁犀利？於是我都試下，原來係雞軟骨切碎混和雞肉，又真係好有口感。我本身鐘情雞軟骨，這個雞肉捧值得一試。
至於我叫既煙三文魚沙律，食材新鮮，特別喜愛切細件的羽衣甘藍，配日式胡麻沙律醋汁，清爽好食。
值得一提係個set 包餐飽，從餐飽已感受到餐廳對食物的認真：牛角飽同埋圓形飽都好好食，飽身溫度適中，口感鬆軟，而且食完可以再添真係好讚，我地食完一碟媽媽都忍唔住再叫，我提佢要留肚食主菜😆
主菜終於出場：
1. 香蒜欖油大蝦意粉：媽媽好鐘意個香蒜汁，佢話好好味。大蝦切開兩邊容易食，蝦肉唔黏殼容易處理，而且蝦肉煎得好香口，意粉彈牙有口感。
2. 香煎比目魚有茄子粒同蘆筍仔墊底。魚皮煎得好脆，但肉質無overcook, 配上芥末忌廉好有特色，媽媽都話廚師煮得恰到好處。
另外，我哋加左兩個小食：帶子刺身同埋鵝肝，媽媽第一次試鵝肝，佢好滿意，佢話好軟焾，襯埋脆脆多士，絕配。我叫既帶子刺身薄片都好新鮮，襯埋明太子，顏色悅目，正。
最後加壺薄荷茶同洋甘菊茶暖胃，感覺好舒服。
整體感覺係一間有誠意的法日fusion 餐廳，我地都好滿意食物的味道同溫度。值得一提洗手間有牙線供想，真係好貼心。
张贴
