Return Coffee 362

营业中

休息中

一直以为荃湾都剩系得啲工厂大厦，今日去荃湾行街，经过工厂区，有惊喜发现，见到一间麻雀虽小，五脏俱全嘅咖啡厅，把心一横就决定入去试吓，点知发觉食物充满惊喜，而且充满诚意，所以写呢一篇食评，推介各方朋友去食。首先，今日食咗佢嘅忌廉大虾蟹子炒意粉，食得出佢嘅忌廉，唔系普通出面餐厅嘅罐头忌廉汤，应该系佢自己调出嚟嘅忌廉汁。而且佢嘅意粉好有嚼劲（Al Dente),估唔到荃湾竟然有间咁嘅卧虎藏龙嘅餐厅。既然食得意粉，就梗系要试吓佢啲嘢饮啦。我自己个人喜好本身钟意饮tonic coffee, 佢个咖啡我觉得都新鲜系即磨咖啡，唔系磨完Hea一阵先再拎去煲嘅咖啡。而且配埋tonic water 酸既味道，令咖啡嘅香味更加突出。对于一间普通咖啡室来讲，我觉得佢已经好有心机做好每一份食物同埋嘢饮。值得一试。