貓啡尾食

营业中

休息中

工厂大厦往往都可以发掘到好野食今个周末去左观塘揾野食，美食集中地-骆驼漆大厦上到11楼，就俾正中间光光猛猛的招牌吸引左，望下门口餐牌有意粉主食、沙律、咖啡等。望入去干净企理，日式榻榻米；仲有好多猫猫同小朋友、小情侣玩紧，就自然地走左入去。店内完全冇猫味及其他异味，播住悠闲既歌，舒服。叫左2个意粉(日式拿破仑及卡邦尼意粉）、1杯冻泡沫咖啡及牛油果奶昔。卡邦尼意粉软硬适中、完美挂汁，香浓而不油腻，相当有惊喜。日式拿破仑意粉茄汁香甜，配合彩椒丝、辣肉肠，口感丰富。咖啡香味浓郁，棉棉既奶泡，入口丝滑，好饮。牛油果奶昔，味道浓厚，香甜可口。最后同d猫猫玩左阵，有d猫猫活力十足，有d优雅高贵。呢度真心推荐，野食好之余假日黎真系可以得到放松。原来店内有部Dyson清新机，唔怪之得冇异味，此店好有心。