招點薈 (已結業)

琴日经过柯士甸站附近发现一间新开嘅西餐厅，因为玉器市埸成条街附近都无食肆，所以佢果一点光好突出吸引我去，门口装修好雅致，简约装修嘅coffee shop，楼底高，坐得舒服。有晚餐有午餐都有下午茶，价钱都唔系贵，下次会嚟试下。头盆系腌制刁三文鱼蟹籽沙律$85上枱好靓亦都好好食，腌料嘅汁好开胃但又唔觉酸，用料新鲜加上佢用上一啲菇，所以比较特别，好好味。蘑菇牛柳意大利面 $125上枱卖相唔突出，但超级惊喜地好食，佢嘅忌廉汁结合左蘑菇嘅香味，牛柳粒份量足够，食到尾都仲有牛柳粒。意式香草汁香煎新鲜石斑肉$160上枱卖相唔错，石斑肉够滑身又唔嚡口，伴菜有心思，整体非常满意。店主更从澳洲咖啡比赛得奖，所以叫左杯咖啡试试，果然香味四溢，值得再嚟食，支持小店。