紅堂 (已結業)

新开创意麻辣火锅 ，坐得舒服，装修走年青型格路线。花胶鸡汤底好足料斋饮都好好味，同埋麻辣汤底亦都好够香，香料同辣味比例啱啱好，唔系死辣。啲火锅料睇得出有诚意，个西班牙猪梅肉加麻辣汤底简直一流（我唔食牛所以评价唔到和牛，但同行朋友话好正）；紫菜响铃一啲都唔油腻好似食紧炸紫菜咁；手打松露墨鱼丸非常出色；其他配料亦都好ok。另外佢哋有几多辣嘅小食甚至甜品，食咗个shake shake 酥肉，麻辣鸡翼-送啤酒一流。 另外仲有醋青瓜同麻酱冰菜，个青瓜酸酸甜甜用来中和麻辣火锅嘅油腻实在太正。最后仲有叫咗两个好特别嘅甜品，一个系辣辣地嘅朱古力火锅同埋拔丝糍粑，都系有诚意之作。所有同行朋友都好满意。温馨提示：食物份量偏细，所以比较好适合追求高质麻辣边炉嘅人。