紅橋 (已結業)

第二次唻红桥食，上次食晚餐，今次食午餐。首先一赞既系呢度侍应比例比其他餐厅多，基本上一挥手就一定有人见到，并且好快serve 到你，唔会出现其他餐厅挥到手软都冇人理既情况。午餐有得拣中汤西汤，又系值得赞，因为西汤有时觉得太heavy, 中汤好似清淡啲。今次系粟米红萝卜汤，唔算好好饮，但起码饮完唔觉好颈渴，应该冇落太多味精。跟住讲到主菜，日式咖喱牛肉焗饭，一唻已经俾佢个size吓亲，好有份量，同埋真系啱啱焗出唻，个面啲芝士仲系好脆。入面既牛肉又多有大块，仲要唔靱，牛味唔好好重，但呢个价钱，有咁既量同成熟既煮法，仲想点。食系炒饭底，粒粒分明，仲食到有蛋丝，咖喱味唔太重，但可以接受。总括唻讲成餐饭都觉得间餐厅好有诚意，款式又多，性价比极高，绝对可以推荐同翻挞！