影片
更多
2009-07-25
23 浏览
住o系上环o既我、依排食厌o左铜锣湾D野、有时都会同朋友同屋企人去下大坑浣纱街果头揾野食。果头都几容易泊车、好方便我依D有小朋友o既人。大坑浣纱街果头久吾久都见开新o野、得意果D我都会去试下。见o岩o岩开o左间新火锅店、早几日就同屋企人去试o左。依间叫潮民火锅店、我问个服务生点解、佢话系“潮”同潮式火锅咁解、D食物同汤底无味精、D牛肉用安格斯黑牛、同有好几种潮洲出产o既潮式食品好似牛胸口、牛脚筋、牛丸。。地点好容易揾、好近小甜谷。间舖望落几Cute、D Design几靓、几有潮味o既。値得一赞o既系周围连都厨房好干净。间舖有两层, ２楼比地舖哩一层大。我地上o左２楼坐、成个感覚比人一种Homy feel、相当舒适。服务生好礼貌、详细介绍自家制o既特色汤、有牛奶清酒鸡汤、蕃茄浓骨汤、牛腩汤同麻辣汤等。又有自家制手打丸、手包饺子（有D有鲍鱼！）、酔走地鶏、老板亲自制o既草本饮料。重有海鲜、有黄鲉鱼、北海道带子、蟹、海虾等等。不过见佢有套餐先至$148、可以试好多野、有羊扒架、安格斯黑牛, 仲有潮州牛脚根牛丸牛舌同几种菜。包埋汤底、所以我o地叫o左４个套餐、试下D质素先。我地一落単、服务生比
依间叫潮民火锅店、我问个服务生点解、佢话系“潮”同潮式火锅咁解、D食物同汤底无味精、D牛肉用安格斯黑牛、同有好几种潮洲出产o既潮式食品好似牛胸口、牛脚筋、牛丸。。
地点好容易揾、好近小甜谷。间舖望落几Cute、D Design几靓、几有潮味o既。値得一赞o既系周围连都厨房好干净。间舖有两层, ２楼比地舖哩一层大。我地上o左２楼坐、成个感覚比人一种Homy feel、相当舒适。
服务生好礼貌、详细介绍自家制o既特色汤、有牛奶清酒鸡汤、蕃茄浓骨汤、牛腩汤同麻辣汤等。又有自家制手打丸、手包饺子（有D有鲍鱼！）、酔走地鶏、老板亲自制o既草本饮料。重有海鲜、有黄鲉鱼、北海道带子、蟹、海虾等等。
不过见佢有套餐先至$148、可以试好多野、有羊扒架、安格斯黑牛, 仲有潮州牛脚根牛丸牛舌同几种菜。包埋汤底、所以我o地叫o左４个套餐、试下D质素先。
我地一落単、服务生比o左十几种酱料我地。全部都好新鲜、特色Do既有自家制o既酱油、泰国甜酸辣酱（好清香！）。混下酱都几得意。佢地都系开o左１个星期、不过D菜都算出得好快。混完酱D菜就到。
我地要o左麻辣同牛奶清酒鸡汤底。就咁饮牛奶清酒鸡汤真系几好味、好甜有鸡味同食唔出味精味。
我个仔最钟意安格斯黑牛粒、我都系、同埋潮州牛脚筋同牛丸都好好味！ 牛丸够弹牙, 牛筋好淋、D羊扒都好新鲜。以前从来无试过打边炉食羊扒、不过效果唔错㖞。
见D野都几好食、我地要多o左酔走地鶏、黄鲉鱼、蟹同鲍鱼蕃茄饺子。全部都好好味、饺子就好特别。
我地重试o左老板亲自整o既洛神花茶、话无加糖、好清、唔错 。
我地食到好饱, 重食唔晒添。埋单计数加埋饮品, 五个人食左$８５０几元, 都算OK！服务生话下次用炭炉烧牛肉粒同羊扒、会好好味㖞。个炭炉系免费、可惜今次试唔到、下次啦。今次我地都好満意、一定会再黎o既！
张贴