紅茶冰室

营业中

休息中

是日同同事食早饭，十二点几呢的时间无乜选择底下去咗食红茶冰室，谂住快靓正。见到午餐餐牌有滑蛋脆脆鱼柳，我同同事两个人都叫咗呢个，我就选择咗跟薯菜，而同事就拣咗意粉。我哋两个心目中嘅滑蛋脆脆鱼柳都系炒蛋加吉列鱼柳，点知嚟到系一碗芡汁中式粟米斑块走粟米嘅𩠌，我哋两个人顿时O咗咀，因为完全冇谂过系咁。我哋都问过其他朋友同事如果佢哋见到呢个餐牌，佢哋都会以为系我哋想像中嘅炒蛋炸鱼，所以都觉得间餐厅有少少误导顾客。个薯菜就冇乜诚意，白烚椰菜同加咗少少沙律酱同葱粒嘅焗薯，个椰菜好硬，意粉就真系plain嘅意粉。餐汤都系普通茶餐厅货色忌廉汤。其实$46嚟讲都算系咁，只系理想同现实有出入，令到成件事有啲失望。