天香樓

营业中

休息中

上星期去咗天香楼食晚饭，一行十几人，试咗好多佢地嘅名菜，如龙井虾仁、醉鸽、蟹粉翅、东坡肉、炸田鸡腿、叫化鸡、蟹粉捞面等。 其实以经几好食，但系今次慕名而来，所以都有啲失望！首先醉鸽太咸，再加上同埋个一様咁咸嘅酱鸭一齐上（菜单系佢写嘅），所以我都唔知佢想点！东坡肉味道唔错，但旧肉大到个盅都唔够摆（问佢点解唔用个大啲嘅盅，佢竟然话呢啲系传统），啲汁又浸唔晒旧肉，所以啲肉未食就以经干晒。但系讲到干就一定唔够只叫化鸡干。扑开佢嘅时候闻到好香（但实在太似出前一丁五香牛肉面𠮶只味），但系可能因为太热嘅关系，啲烟不停咁喷，好地地一只鸡就咁就干晒！我估可能要好似整西餐咁rest吓佢先扑开会好啲，又或者扑开后可以加啲麻油之类嘅嘢捞一捞先至serve。弹咗咁耐，但其实都有啲要赞嘅菜程式，最正嘅就算是田鸡腿，外脆内嫩，再配上炸咗嘅梅菜松，简直无得弹！最后直得一题嘅就系「后加」嘅蟹粉捞面，啲蟹粉正就以经预咗，但难得啲面都好正，软硬适中，同埋以经捞咗啲唔知乜嘢汁，更加能突出蟹粉嘅鲜味！