夏雪 (已結業)

几星期前逛旺角,途经夏雪,见set lunch三十蚊有交易,好似食得过㖞; 终于今个星期有日提早出发食lunch,专程去试试.Set lunch大部份为廿八廿九蚊(再加一),有寿司配拉面,饭配面豉汤等等,惟独饮品一定要加钱. 本来想食寿司,不过谂谂下都系先试猪扒蛋饭较安全...先弹上菜速度,劲慢啰... 落单三个字后只上一碟寿司,等多三个字兼催两次先有猪扒饭; 饭食到一半碗面豉汤都未到,又要催多次; 最后配寿司那碗拉面又要再催先有,好唔掂呀! (是日仲要唔满座)碗猪扒饭有卖相,可惜无味道. 猪扒厚度适中,无乜肥膏,但因此变得较硬和干. 蛋又做唔到半熟有流黄那种,而且太少蛋啦. 至于碗面豉汤仲衰,明显地沟水,已经沟到无晒味,饮唔饮都无所谓...有位同事叫寿司餐,有天妇罗寿司配拉面一碗. 睇图就好吸引,不过碗拉面少得可怜,食完都唔饱,好似无食过咁...一分钱一分货,廿九蚊个猪扒蛋饭餐㖞