營豐海南雞專門店 (柴灣道)

营业中

休息中

喺柴湾开咗间专做外卖嘅'营丰海南鸡专门店'，我成日行过都总会见到有人帮衬紧，有时仲会排长龙添。今日又行过，就决定斩只鸡返屋企加𩠌。一直都以为呢间店只有海南鸡卖，点知行近D，就见到除咗鸡之外，仲有其他产品，例如鸭、猪排、猪颈肉、鸡肾、鸡翼、炸鸡，连猪手都有。花多眼乱，最后决定买半只无骨海南鸡和半只醉鸡。无骨海南鸡: 肉质嫩，鸡皮下没有太多肥膏，而且啖啖肉，男女老幼都啱食。醉鸡: 比海南鸡多一碗调咗味嘅酒，食之前半个钟倒D酒落鸡度，再放入雪柜，冻醉鸡，啱晒夏天食。本人对酒类太熟悉，但估计应是花雕酒，酒味好香，也不会太烈，好味。另外，收银姐姐嘅服务好好，好用心咁讲解储存方法同食法，值得一赞。Good。