碗屋 (已結業)

朋友们同我都系为食之人，超钟意食日本野但每次去居酒屋就会叫太多野食而破产🤣为左满足到食好野同大胃，揾左几间质数比较好既放题后就决定黎碗屋一试。服务员态度非常好，当日负责我个区既服务员哥哥见我地几个睇左劲耐menu都未叫野食就提议上左刺身拼盘先每款都可以试一试，一听见我地讨论menu就随时准备好落order。个人推介油甘鱼同帆立贝非常新鲜加埋靓靓摆盘。黎之前做足功课所以主要留肚被烧物，大力推介厚同薄切牛肉绝对有出面铁板烧既水准，海鲜之友都一定要试佢既烧鳕鱼非常滑又大件。烧带子虽然唔系痴壳，但仍然十分大粒同味调味岩岩好。除左menu既食品外，每2人黎就会送烧龙虾或者龙虾刺身，我地4日黎到就可以试晒两款大满足。