海天花園酒家

营业中

休息中

今日约左两个朋友去三圣食海鲜，佢地住元朗，我就天水围，够哂方便。搭西铁，到屯门站转505轻铁，三圣站落车行一阵就到。去发记买左三只南非鲍、九只花竹、三只北寄贝，一共$500加工就去海天，坐得舒服啲，加上今日星期二，冇乜人上一楼坐低，叫左香片滚水，讲低点煮海鲜，再叫左个上汤菜心、厨皇炒饭第一样上豉油王花竹，香喷喷，豉油香扑鼻，只只炸得卜卜脆，连壳食正到痺第二样系清蒸南非鲍，蒸得啱啱好，最重要鲍鱼够新鲜，鲜味到不行，入口弹牙无比第三样蒜蓉粉丝蒸北寄贝，又系好新鲜，个粉丝吸哂个汁，好好味，个贝又鲜味上汤菜心同炒饭都正常，个炒饭好多料，但个脆米略嫌多余，脆脆口感配落炒饭唔多夹