Grass and Sea by PEKO PEKO

营业中

休息中

之前系yoho食饭经过都见到呢间几有格调既西餐厅，所以揾日得闲就去食个晚饭，入到去发现原来之前系荃湾海之恋有食过，元朗呢间系分店，菜式有少少吾同，之前食过都几好，所以对呢间都有信心。蘑菇cappuccino $58 见到个名几得意，造型都几似cappuccino ，蘑菇打碎做蘑菇蓉，所以蘑菇味好香浓，食到一粒粒蘑菇碎，另外表面加左层cream，搅匀一齐饮更香更滑。汤会跟块丹麦卷，配埋一齐更好味。香脆广岛蚝 $68炸粉薄而且非常松脆，入面广岛蚝仲好juicy同软身，完全无炸干，煮得非常出色。白汁海鲜酿蟹盖意粉 $168蟹盖造型吸引，入面装满左不同海鲜，再加埋芝士去焗，蟹盖下都有鱿鱼、蚬等海鲜，白汁味浓郁，仲带有洋葱香味，意粉挂汁。香煎大虾拼牛柳伴波特红酒汁$368虾够大只，煎完仲好爽同弹牙，牛柳7成熟，中间部位颜色带嫩粉红色，呢个位好嫩腍，外面已经全熟，切起来感觉几嫩，但入口会比较鞋，个人建议点5成熟可能比较好。值得一提既系佢薯菜同一般吾同，佢将蔬菜切粒加入忌廉芝士薯蓉内，再去煎，忌廉味浓郁，配牛柳一齐食比红酒汁更好味。