意粉屋 (已結業)

今日同男友喺荃湾觅食，心血来潮想食西餐，拣咗嚟意粉屋试下有咩好食先～由为食嘅我发板，叫咗一款前菜，两款主菜，两个人食啱啱好～首先上菜嘅系前菜：哈密瓜风干火腿伴意大利黑醋，我本身都钟意食ham，见呢度ham配意大利黑醋都系70蚊左右，都几抵食，梗系叫番碟啦！咸香嘅ham连埋爽甜多汁嘅哈密瓜一齐食，味道balance，加上香浓黑醋吊味，食完忍唔住要再食，好快已经俾我哋KO 晒！食完冇耐，第一款主菜：丹麦猪鞍架原只大啡菇牛肝菌意大利饭就嚟喇！猪鞍大大件好有份量厚切猪鞍煎到有格格网纹，闪令令好嫩好多汁咁，我即刻快手切好，同男友趁热share，厚肉都嚟唔鞋口，咬落香口有汁，尤其近骨位特别嫩同juicy，个人觉得猪鞍比猪扒好食o架，而且唔系周街有得食！risotto真系有原只大啡菇，真材实料，饭粒软硬适中，都ok索汁有菇香，唔错～厚切猪鞍食到一半第二款主菜上场！！就系北海道带子‧日本鱿鱼墨汁意大利粉，男友一见即刻心心眼，因为意粉份量好够，佢实满足咁话㖞～我就梗系将重点摆喺大大粒北海道带子度啦！煎到啱啱好熟，相当鲜嫩其实想抢埋男友𠮶粒带子食，不过算啦唔好成日虾佢hahaha，我食多几件鱿鱼算喇，鱿鱼