THE STEAK ROOM

营业中

休息中

再次到访此餐厅，今日遇到个好细心嘅侍应，佢叫做Jimmy。专业嘅staff系会提升到成个用餐体验。 Jimmy会介绍哩度嘅牛油系好食，而且系低盐牛油，咁啲牛油又真系唔错~因为我上次嚟嘅时候都觉得佢啲牛油系几好食~。点餐嘅时候，佢又会同我哋预下啲份量，惊我哋女仔食唔晒。上牛扒嘅时候，佢又会话畀客人知𠮶8樽盐，其实只有头尾2樽系用嚟配牛扒(smoked sea salt & Japanese black garlic salt) ，净番个6樽系用嚟食海鲜嘅，上次嚟系完全冇人介绍过，但明明呢度食牛扒系sell盐同埋sell 𠮶啲酱😌。到拣牛扒刀嘅时候，虽然把把刀系一样嘅，就系畀客人拣下刀嘅花纹，但系当我喱个港女话想同啲刀影相，佢又会细心咁样拎过另外一盒装满嘅刀嚟畀我影。原来哩位员工只系第5日响呢度返工，听讲佢之前系去不同餐厅𠮶度做training嘅，唔怪之得对食材同调味料配搭咁有认识啦。